“ให้เจ้าอยู่สุขสบาย ควมเจ็บอย่าได้ ควมไข้อย่ามี
ไปดีมาดี ผู้อยู่ขอให้มีชัย ผู้ไปขอให้มีโชค
นอนหลับขอให้ได้เงินพัน   นอนฝันขอให้ได้เงินหมื่น
นอนตื่นขึ้นขอให้ได้เงินแสน  แบ มือไปให้ได้แก้วมณีโชติ
โทษร้ายอย่ามาพาน  มารร้ายอย่ามาใกล้ 
ให้มีอายุวรรณะ สุขะ พละ”

วาสนาบ่เหงี่ยงคล้อย   ถอยต่ำไปตามกาล

แต่ว่ามารในใจคน  สิก่นหลุมฝังซุมเจ้า

ลางคนเผาตนเล่น เห็นตัณหาว่าแม่นม่วน

กวนตมขุ่นเอ้เล้ โหลดเซข้างหย่างบ่ตรง

ฝรั่งเขาส่าโป้งโป้ง ธรรมสูงเจริญดี

มีใจใฝ่ธรรมพุทธ บริสุทธิ์บ่วางเว้น

สาธุเด้อ ทานไปแล้ว ให้ไหลคืนคือเก่า

ท่านมื้อเซ้า ให้ไหลเข้ามื้อแลง

ทานน้อยให้ได้หลาย ทานหลายให้ได้กอบ

ทานเป็นกะสอบ ให้เจ้าได้หอบได้หาม

ฮักษาศีลเอาไว้ ภาวันนาเฮ็ดใจเที่ยง

สลึงเดียวบ่ได้ซื้อ ให้เสียเงินซ้ำจังแม่นบุญ

สมถะวิปัสสนาพร้อม เป็นการไกลกิเลส

ละให้หลุดลดให้เกลี้ยง ผลได้แม่นนิพาน