อย่าสิไลลืมถิ่ม มูลมังแต่ครั้งเก่า

อย่าสิลืมฮีตเค้า คนเก่าเพิ่นสั่งสอน 

ให้ซ่อยเสริมเติมแต้ม แนมหา มาคืนครอบ

แปลงระบอบแบบเบื้อง ให้เฮืองล้ำอย่าต่ำถอย ฯ

คำแปล อย่าลืมวัฒนธรรมแต่ครั้งเก่า ที่ปู่ย่าตายายสั่งสอนมา ให้ช่วยกันส่งเสริมพัฒนาให้กลับมาเหมือนเดิม อย่าให้สูญหายไป

อย่าได้ติโทษท้วง ปวงหมู่หมูหมา

มันบ่เห็นแนวกิน บ่แล่นวนเวียนอ้อม

ติแต่แมงวันฮ้าย ตอมโตอยู่โผ้โผ่

โตหากเหม็นอู่อู้ สิติได้ฮ่อมใด ..ซั่นแหล่วววพี่น้องเอ้ยย

อันว่า บุญบุญนี้

บ่มีไผ ปุนแจกกันแหล่ว

มันบ่แหกออกได้ ดอกคือไม้ผ่ากลาง

คือจังเฮากินข้าว เฮากิน เฮากะอิ่ม

มันบ่ฮ่อนไปอิ่มท้อง

เขาพู้น เผิ่นบ่ได้กิน ซั่นแหล่ว…

สาธุเด้อ … ฝ้ายเส้นนี้

ฝ้ายพระพรหม เทวา เจ้าที่ มาปกปักรักษา

ผูกแขนเบื้องซ้าย ให้ขวัญเจ้ามา

ผู้แขนเบื้องขวา ให้ขวัญเจ้าอยู่

ให้โซคดี มีซัย ไปทางใกล้ทางไกล

อยู่รอด ปลอดภัย

ความเจ็บ อย่าให้ได้ ควมไข้ อย่าให้มีเด้อ.. คำเด้อ นางเด้อ…

…​คำเว้า ที่หลวงพ่อมหาเทพ ใช้ประจำมา 15 ปี… เพื่อให้กำลังใจลูกหลานเด้อ