บ่อยากพลัดพรากเว้น เวรหากจ่องจำหนี

บ่อยากไกลสายคอ หมู่เวรผัดมาจ้อ

เหมิดเวลาลงแล้ว ค้ำแอวปานเลขสี่

ถึงสิมีมื้อหน้า มาพ้อพบเห็น

เหมิดเวลาลงไว้ เวลาใหม่สิมาหา

หาเวลาที่เหมาะสม เอวังลงสาเพียงนี้

ผญาเกณฑ์อายุ ผญาอีสาน เว้าไว้ว่า..

สิบปี อาบน้ำบ่หนาว

ซาวปี เล่นสาวบ่เบื่อ

สามสิบปี นอนตื่นก่อนไก่

สี่สิบปี ไปไฮ่มานั่งทอดขา

ผญาศาสนา

ศาสนานับมื้อส่วย….. คันกะบวยนับมื้อสื่อ

บ่าวสาวพวมขี้ดื้อ…… พากันเล่นเที่ยวบาร์

ทางวัดวาบ่อยากใกล้. มันบ่หม่วนซวนหนุก

เล่นเข้าหาควมทุกข์…….  กะบ่เคยเพียรฮู้

ผญาอีสาน โลกเจริญไปหน้า…

เศรษฐกิจ มาจ่นจี้ ได้มีตื่ม หลายปัญหา

การเฮ็ดนา ลงทุน คึดดู มันแสนเอ้า

คึดต่อเงิน ขายข้าว ได้หักทุน วุ่นเอาหนี่

จักค่าไถ ค่ารถสี มีค่าสอน ต่งข้าว เอาเงินซื้อ ผ้ามุ่งเขียว