ไปทางหน้า ขอให้มีชัย

ไปทางได๋ ขอให้ถูกหวยรวยโชค

ให้เจ้ามีเงินล้าน ทำงานมีตำแหน่ง

สนุกนอนนับแบงค์ แลงเซ้านับแต่เงินเด้อโยม

ได้โชคแล้ว กะอย่าลืมทำบุญเด้อ…

อย่าสุพากันหนี ให้วัดฮ้าง
ไปสู่ตะรางใหญ่ แออัด

ให้พากันเข้าวัด ฟังธรรม
พระสัมมาพุทธะ โคดมเจ้า

อย่าสุมัวเมาแน่น มัวเมา
กุมกระหม่อม หลายท่อนน

ให้ได้หาตอนซิ้น พระธรรมไว้
แว่นแยง เด้อ….

อันว่า บุญบุญนี้ บ่มีไผปุนแจกกันแหล่ว

บ่หอนแหกออกได้ ดอกคือไม้ผ่ากาง

คือจังเฮากินข้าว เฮากินเฮากะอิ่ม

บ่ห่อนไปอิ่มท้อง เขาพู้นผู้บ่กิน ซั่นแหล่ว….

“ให้เจ้าอยู่สุขสบาย ควมเจ็บอย่าได้ ควมไข้อย่ามี
ไปดีมาดี ผู้อยู่ขอให้มีชัย ผู้ไปขอให้มีโชค
นอนหลับขอให้ได้เงินพัน   นอนฝันขอให้ได้เงินหมื่น
นอนตื่นขึ้นขอให้ได้เงินแสน  แบ มือไปให้ได้แก้วมณีโชติ
โทษร้ายอย่ามาพาน  มารร้ายอย่ามาใกล้ 
ให้มีอายุวรรณะ สุขะ พละ”